Facebook
YouTubeL'IDÉE
La Maison des Savoirs est une plateforme qui rassemble les citoyens kabyles, en Kabylie et dans la diaspora.
OBJECTIFS
- Asemlil n Yiqvayliyen yellan di tmurt d wid yellan di tmura nniḍen.
- Asileɣ deg uẓeṭṭa deg yeḥricen yeɛnan ilmeẓyen deg waṭas n yeḥricen am: Tutlayt, Tasenselkimt, Titiknikiyin n tɣamsa, Aseḥviver ɣef twennaṭ, Leadership…
- Asveddi n isenfaṛ yesseḥviviren ɣef ugama.
- Asveddi n isenfaṛ i teflaḥt n wedrar.
HISTORIQUE
Axxam n tmusni d asenfaṛ yevda Manis di twacult-is, di taddart-is azal n 10 iseggasen-aya. Yesnulfa-d AXXAM-a iwakken ilmeẓyen-nneɣ ur ɣellin ara di tebrekt n tesnakta d usɛeṛbeb, iwakken ad ilin n tallit-nsen, iwakken tamusni ad ttsṭuṛṛec allaɣen-nsen, ad issinen ad xemmemen s yiman-nsen, ad sneqden ayen ttidiren, ayen ttwalin, ayen qqaṛen, ayen i asen-sɣaṛen. MACA, icenga n tafat medlen AXXAM N TMUSNI. Medlen-t maca TAVƔEST ur tengir ara. Ɣas medlen leḥyuḍ, allaɣen d wulawen mazal kkaten, dren, ran ad qedcen akken nniḍen, wer ma zemren icenga n tafat ad ten-ɣeḍlen.
ACCOMPLISSEMENTS
- Yella yakan uselmed n Teqvaylit i ugar n 30 igerdan, 15 n imeqranen.
- Tiẓẓit n 800 n tleqqamin.
- Asveddi n temkeṛḍit anda llan yidlisen yuran s Teqvaylit iwakken ad nessevɣes imyura-nneɣ.
- Vuzhayer, akamnyun i usexsi n tmest (Ḥevsen-t icenga n tafat).
- Asileɣ n titiknikiyin n uḥuddu amenzu (Premiers secours).
- Asileɣ di Tsenselkimt.
- Attekki deg uṣenfaṛ i usekcem n Teqvaylit di Common Voice.
- Tirziwin akked igerdan ar yilel di yal anevdu, tikelt ar Tunes.
- Tirza ar uɣervaz n uẓawan.
- Aseḥviver ɣef twennaṭ s wallus n legric (recyclage des résidus des olives).
- Asileɣ ɣef titiknikiyin n usexsi n tmest.
- Tallalt i inelmaden d ileqraya-nsen.
- Aheggi n waṭas n temliliyin, isaragen, tifaskiwin…
Uklalen warraw-nneɣ
Uklalen warraw-nneɣ ad ddun akked tallit-nsen, ad argun, ad uraren, ad ɣren, ad issinen, ad sselhun tudert akked twennaṭ-nsen.
Wid iqedcen yid-neɣ
d wid yesselhayen amaḍal
